Policia e Kosovës ka pranuar informatë se në rajonin e Gjakovës, skatësisht në Koshare, në pikën e kufitare me Shqipërinë, dyshohet për mbjellje dhe kultivimin e bimëve narkotike, përcjell InLajmi.
Policia e Kosovës së bashku me policinë në Gjakovë dhe në Ponoshec që nga fillimi i muajit Gushtë kanë vëzhguar vendin, ku kanë arritur gjatë ditës së enjte të arrestojnë një person në afërsi të 2 parcelave ku ishin të mbjellura bimët narkotike.
Tutje policia ka bërë të ditur se i arrestuar është shtetas i Shqipërisë dhe është dërguar në ndalim për 48 orë, ndërsa në vendin e ngjarjes janë zbuluar 2 parcela me bimë narkotike, gjithsej 317 bimë.
Njoftimi i plotë i Policisë së Kosovës:
Policia e Kosovës ka pranuar informacione relevante nga tereni se; në rajonin e Gjakovës, konkretisht në zonën e Koshares në kufi me Republikën e Shqipërisë dyshohej për mbjellje dhe kultivim të bimëve narkotike. Njësitet policore të Drejtorisë Rajonale të Policisë Kufitare “Perëndimi” në Gjakovë, Stacionin policor për mbikëqyrje kufitare (SPMK) në Ponoshec dhe në koordinim me hetimet rajonale nga fillimi i muajit gusht, kanë ndërmarr veprime konkrete policore përfshirë aplikimin e vëzhgimit, monitorimit dhe mbikëqyrjes së zonës. Sot më 05.08.2021, njësitet policore të SPMK në Ponoshec rreth orë 05:20 gjatë realizimit të detyrave të tyre në atë zonë pranë dy parcelave ku ndodheshin bimët e dyshuara narkotike kanë ndaluar dhe identifikuar një person të dyshuar mashkull (A.H.) shtetas i Shqipërisë. I dyshuari i lartcekur është arrestuar nga Policia e Kosovës dhe me urdhër të prokurorit kompetent ndaj tij është iniciuar rast, përderisa i njëjti ndalohet për 48 orë për procedura të mëtejme ligjore. Në vendin e ngjarjes (lokacioni mbi fshatin Koshare), janë zbuluar dy parcela me gjithsej (317) bimë narkotike të dyshuara kanabis sativa, me madhësi nga 50cm deri në 100 cm. Nga njësitet kompetente është kryer ekzaminimi i vendit të ngjarjes, përderisa me urdhër të prokurorit kompetent është bërë shkatërrimi (djegia) e bimëve në vend të sigurt dhe duke ndërmarr masat e nevojshme për lokalizim dhe mbikëqyrje të kontrolluar të zjarrit në këtë periudhë. Vlen të potencohet se për shkak të rrezikshmërisë së lartë, konfiguracioni të terrenit dhe se vendi i ngjarjes ndodhej afër vijës kufitare me Republikën e Shqipërisë asistencë relevante është ofruar nga Policia e Shtetit Shqiptar. /InLajmi/
