Mërgim Lushtaku, deputet nga Partia Demokratike e Kosovës, ka mbajtur konferncë për medie ku i është drejtuar Qeverisë së Kosovës hipokrite, ekzekutivin e udhëhequr nga Albin Kurti, raporton InLajmi.
Krejt kjo ka rrjedhur pas vendimit të ministrës së Ndërrmarrësisë, Rozeta Hajdari, për heqjen e taksës ndaj bllokave të ndërtimit të importuar nga Serbia.
Tutje ai ka thënë se si pasojë e këtij vendimi, Kosova do të vërshohet nga produktet serbe.
“Ne kemi marrë me shume shqetësim këtë ngjarje, kjo është Qeveri hipokrite, tash le më që po qesin pengesë, por po largojnë edhe ligje dhe do të vërshohemi nga produkte serbe në Kosovë”.
“Po hapin dyert për Serbinë dhe po mbyllin dyert për Shqipërinë. Ata janë vetëm kundër produkteve vendore. Do ta shqyrtojmë këtë vendim, do të kërkojmë edhe interpelanca edhe debate ku do të tregojmë fytyrën e vërtetë të kësaj Qeveria që e ka pas për qëllim veç marrjen e pushtetit”.
Tutje ai ka folur edhe për mbledhjen e Komisionit ad-hoc në lidhje me intervisitimin e kandidatëve për bordin e KPM-së.
“Kemi pasur përplasje me deputetë, që kanë ardh me vonesë 2 orë. Kemi bërë pyetje dhe kemi vendosur për procesin e mëtutjeshme, është pamundësuar nga 2 deputetë që kanë ardhur me vonesë”.
“Vlerësoj që jemi pajtuar të gjithë, por Doarsa Xhelili Kica dhe Valon Ramadani, pra nuk kam lejuar që të vazhdojë tutje kjo arrogancë dhe e kemi lëshuar mbledhjen. Ky komision nuk është arën lufte, ata t’i zgjedhin problemet vet. Për sot kemi vendosur që ta lëshojmë mbledhjen”. /InLajmi/
