Prodhuesi i makinave elektrike Tesla, në 3mujorin e 2-të të vitit 2021 ka realizuar një rekord të fitimeve prej 1.14 miliard dollarë.
E themeluar nga Elon Musk, fitimi neto i kompanisë u rrit 998% në këtë 3mujor krahasuar me atë të një viti më parë.
Në periudhën e 2-të të 2020-së, kompania kishte fituar 104 milionë dollarë, ndërsa për vitin aktual Tesla vendosi një rekord me të cilin për herë të parë fitimi 3mujor tejkaloi 1 miliard dollarë.
Përveç kësaj, të ardhurat e kompanisë në 3-mujorin e 2-të të këtij viti u rritën 98% nga e njëjta periudhë e vitit të kaluar, duke shkuar në 11.9 miliardë dollarë. Tesla kishte të ardhura prej 6 miliardë dollarësh në tremujorin e dytë të vitit të kaluar, përcjell Telegrafi.
Tesla ka raportuar se gjatë 3mujorit të 2-të janë prodhuar 206,421 automjete, prej tyre, kompania dorëzoi te klientët 201,250 automjete, gati 9% më shumë se 3mujori i parë i 2021-së.
