Volkswagen Group dhe Porsche janë pajtuar që të krijojnë një markë të re pas bashkëdyzimit të 2 kompanisë – ku në lojë është futur Rimac, kompania kroate që prodhon super vetura elektrike së bashku me Bugatti
Kompania e re do të quhet Bugatti-Rimac dhe që të dyja do të prodhojnë vetura të tyre si Bugatti ashtu edhe Rimac, sikurse Porsche që është pjesë e Volkswagen Group.
Porsche gjithashtu ka një pjesë të madhe të aksioneve në Rimac, transmeton Telegrafi.
Bugatti-Rimac do ta ketë selinë në Zagreb të Kroacisë, jo larg selisë aktuale të Rimac. Ndërkohë, Bugatti do të vazhdojë të prodhoj vetura nën logon e saj në Molsheim të Francës.
Do të vazhdojë të operoj si markë në vete, pavarësisht që Bugatti dhe Rimac kanë bashkuar forcat për krijimin e një marke dhe modeleve të reja të Bugattit.
Gjiganti gjerman Porsche filloi me investimet e saj në Rimac Automobili në vitin 2018 dhe tani ka 24% të aksioneve në këtë kompani. Kështu Porsche në mënyrë të drejtpërdrejtë do të ketë 45% të Bugatti-Rimac, derisa Rimac do të mbajë aksionet e saj që vazhdojnë të jenë 55%, shkruan CNN
Kështu Bugatti ka bashkuar forcat për krijimin e një marke të re nga kompania amë Volkswagen Group, përcjell Telegrafi
“Po kombinojmë ekspertizën në biznesin e hiper-veturave me inovacionet e jashtëzakonshme të Rimac, që premton shumë sa i përket fushës së veturave elektrike”, ka thënë presidenti i Porsche Oliver Blume.
