Vlora Çitaku, ish-ambasadore e Kosovës në SHBA, ka reaguar pas deklaratës së zëdhënësit të Qeverisë, se marrëveshja e Washingtonit nuk ka vlerë juridike, përcjell InLajmi.
Ajo shtoi se marrëveshjet e bëra në Washington nuk janë lojë fëmijësh, duke kërkuar një komunikim më serioz me të gjithë aleatët e në veçanti me SHBA-të.
Çitaku tha se edhe administrate e re e Biden, qëndron mbrapa marrëveshjes së 4 Shtatorit.
Postimi i plotë i saj:
Për të satën herë: Marrëveshja e Washingtonit, apo zotimet e Ëashingtonit, apo si të doni quani, nuk janë hajgare e lojë fëmijësh.
Me aleatët, e posaçërisht me SHBA-të, një qeveri serioze nuk komunikon përmes deklaratave dhe postimeve në rrjetet sociale. Qeveria e Kosovës nëse ka ndonjë dilemë apo pakënaqësi, atë duhet ta adresojë përmes kanaleve diplomatike.
Para pak ditësh ishte në Kosovë i deleguari i Departmentit të Shtetit për Ballkanin Perëndimor. Jam e bindur se në takimet të cilat janë zhvilluar ka pasur mundësi që të trajtohen këto shqetësime.
Pastaj, se Administrata e Presidentit Biden qëndron fuqishëm pas marrëveshjes së 4 Shtatorit e ka bërë të ditur publikisht Sekretari i Shtetit Blinken.
Me shumë dashamirësi, Vlora. /InLajmi/
