Pas disa muajsh paqartësi, festivali i filmit në Gjermani, Berlinale, ka hapur dyert për publikun, ditën e mërkurë.
Mariette Rissenbeek dhe Carlo Chatrian, kanë hapur edicionin e 71-të të këtij festivali, me një ceremoni në ambient të hapur.
Secili ka qenë duke pritur këtë moment, ka thënë ministrja e Kulturës në Berlin Monika Grutters.
Ky organizim ka treguar se “një fillim i ri për kulturën është i mundshëm edhe në kushte të pandemisë”, ka thënë Gruetters.
“Ne na ka munguar kjo gjë. Do ta shijojmë atë, mundësisht më shumë sesa kurrë më parë”, ka shtuar ajo.
Filmi i parë që është prezantuar nga qenë The Mauritanian, në të cilin aktorja amerikane Jode Foster luan rolin e një avokateje që ndihmon një të burgosur në burgun e Guantanamos, pas sulmeve terroriste të 11 Shtatorit në Shtetet e Bashkuara.
Berlinale është një nga festivalet më të mëdha të filmit në botë, bashkë me ato të Kanës dhe Venecias.
Këtë vit festivali është ndarë në 2 pjesë për shkak të pandemisë: industria digjitale është takuar në muajin Mars, dhe filmat për publikun do të shfaqen në ambiente të jashtme nga 9 Qershori dhe më 20 Qershor.
Chatrian ka thënë se ka qenë e vështirë të thuhet nëse pandemia do të ketë ndikim afatgjatë në industrinë e filmit, transmeton REL.
Për shkak të pandemisë, kinematë është dashur të mbyllen për disa muaj dhe xhirimet për filma janë kthyer ne proces të komplikuar në shumë vende.
