Koordinatori i Qendrës se Vakisnimit në sallën “1 Tetori” në Prishtinë, Niman Bardhi ka mbajtur konferencë për media ku ka treguar se procesi i vaksinimit është duke shkuar shumë mirë, raporton InLajmi.
Ndër të tjera Bardhi ka thënë se një numër i madh i qytetarëve është duke pritur në radhë për të marrë dozën e 2-të të vaksinës anti-Covid.
Bardhi ka thënë se mbi 800 persona janë vaksinuar me dozën e 2-të.
Tutje Bardhi ka sqaruar se në nivel vendi janë vaksinuar 88 mijë e 400 qytetarë.
“Aktualisht kemi të vaksinuar mbi 800 persona me dozën e dytë të vaksinës ndërsa në nivel vendi deri më tani janë të vaksinuar 88 mijë e 400 vaksina”.
“Fluksi është më i madh i qytetarëve dhe është duke shkuar mirë. Sipas datave të gjithë e kanë të përcaktuar datën e vaksinës”.
“Deri në atë moment kur do ta përmbyllim komplet vaksinimin e qytetarëve. Për ne është me rëndësi që kemi doza dhe janë duke u aplikuar”. /InLajmi/
