Kryeministri i Britanisë së Madhe, Boris Johnson do të nxisë udhëheqësit e vendeve të tjera të pasura që të angazhohen për të vaksinuar botën kundër Covid-19 deri në fund të vitit të ardhshëm, transmeton InLajmi.
Ai do të përcaktojë një objektiv global në një samit të grupit G7 të ekonomive të përparuara të premten.
Deri tani vendet si SHBA, Franca, Gjermania, Italia dhe Japonia kanë treguar shifrën e dozave që do të dhurojnë në programin global të ndarjes së vaksinave, Covax. Ndërsa, Britania e Madhe dhe Kanadaja ende nuk kanë dhënë ndonjë shifër të saktë për kontributet e planifikuara.
Sipas agjencisë së lajmeve BBC, përpara samitit të G7, i cili do të zhvillohet në Cornwall, Johnson ka deklaruar se do t’u kërkojë homologëve të tij “të ngrihen në sfidën më të madhe të epokës së pasluftës” duke “vaksinuar botën deri në fund të vitit të ardhshëm”.
Një arritje e tillë do të ishte “arritja e vetme më e madhe në historinë mjekësore”, është shprehur ai./InLajmi/