Ish-kreu i OVL UÇK-së, Faik Fazliu është arrestuar nga Policia e Kosovës pas një mos marrëveshje, mirëpo i njëjti është liruar gjatë ditës së diele, përcjell InLajmi.
Rreth arrestimit të Fazliut ka reaguar edhe deputeti i Partisë Demokratike të Kosovës, Ardian ku ka thënë se arrestimi i Faik Fazliu ka për qëllim final fyerjen dhe ushqimin e urrejtjes ndaj UÇK-së.
Ndër të tjera Kastrati ka thënë se Faiku nuk i ka gjujtur institutcionet e Kosovës me gaz lotësjellës, nuk i ka rrotulluar makinat e Policisë së Kosovës etj.
“Kujtoni kur Kurti e quante policin tonë ” majmun”. Arrestimi i ushtarëve të dalluar si Faik Fazliu ishte dhe është qëllimi i Serbisë dhe i Rusisë. Këtij qëllimi dhe këtyre skemave po ju shërben regjimi i Kurtit përmes Xhelalit”, ka shkruar Kastrati.
Postimi i plotë i tij:
Arrestimi i Faik Fazliut një ushtari të dalluar të UÇK-së dhe invalid lufte për qëllim final ka fyerjen dhe ushqimin e urrejtjes ndaj UÇK-në. Faiku gjatë luftës dha pjesët e trupit në luftime dhe familja e tij dha dëshmorë. Faiku nuk i ka gjuajt institucionet e Kosovës me gaz lotsjellês, nuk i ka rrotullu makinat e policisë së Kosovës, nuk e ka kall qeverinë me gaz lotsjellës. Këto i ka bërë Xhela Sveçla me Albin Kurtin. Kujtoni kur Kurti e quante policin tonë ” majmun”. Arrestimi i ushtarëve të dalluar si Faik Fazliu ishte dhe është qëllimi i Serbisë dhe i Rusisë. Këtij qëllimi dhe këtyre skemave po ju shërben regjimi i Kurtit përmes Xhelalit. Punësimet e familjarëve, aferat korruptive në Prizren, skandalet në politikat e jashtme etj, etj po e karakterizojnë qeverinë e re. Kjo e konfirmon faktin që këta nuk e kanë pas objektiv luftimin e korrupsionit por thjeshtë rrënimin sistematik të imazhit të UÇK-së pikërisht për faktin se themeluesit e saj janë kundërshtarët e tyre politik. Në këtë projekt Xhelalët bashkëpunëtorë mund ta kenë Serbinë dhe Rusinë por jo popullin shqiptar. Xhelali që fizikisht qëronte hesapet nëpër lokalet e Prishtinës tani po na tregon se kjo është drejtësia. Mënyra e arrestimit të Faik Fazliut më së paku reflekton drejtësi. Ky rast përbën rrezik serioz për kohezionin tonë shoqëror e përplasjet dhe kaosin politik në Kosovë e dëshiron vetëm Rusia e Serbia. Për ta garantuar atë kaos politik dhe urrejtjen ndaj UÇK-së ata skanë nevojë ti dërgojnë tanket e batalionet e tyre sepse atë mision e kryen me sukses regjimi i Kurtit përmes Xhelalëve në pushtet. /InLajmi/
