Agjencia e Statistikave të Kosovës ka publikuar llogaritë Qeveritare për periudha tremujore, ku sipas listës së publikuar të të hyrave dhe shpenzimeve, Qeveria deri tani ka shpenzuar 523.6 milionë euro, përcjell InLajmi.
Agjencia ka bërë krahasimet me llogaritë e vitit të kaluar, duke treguar se në të njejtën kohë të vitit 2020, shpenzimet shënonin 402.4 milionë euro, gjë që tregon një rritje prej 121 milionë euro më shumë këtë vit.
Sipas ASK, shpenzimet më të mëdha janë bërë për kompensim të punëtorëve, kontribute sociale dhe përfitime, konusum të ndërmjetëm dhe formim të kapitalit bruto.
Ndërsa, sa i përket të hyrave pjesa më e madhe e tyre përbëhet nga tatimet në produkte duke mbuluar rreth 64.3% të totalit me pjesën tjetër të shpërndarë në kategori tjera./InLajmi/