Artisti i madh i muzikës popullore, Bujar Qamili, së fundmi në një emision televiziv ndër të tjera ka folur për betejën e vështirë që ka pasur me koronavirus.
Bujar Qamili rrëfeu se ashtu si pjesa më e madhe e njerëzve, edhe ai ka kaluar eksperiencën e koronavirusit por në një gjendje të rënduar, pasi ndodhej në koma.
“Po ta tregoj, po s’kam qejf ta kujtoj më, por ka qenë një moment jashtëzakonisht i vështirë, një moment që është një shprehje shqiptare “armikut mos ia pafsha”. Kaq i rrezikshëm është e kaq keq kam kaluar, të paktën një muaj e gjysmë isha në gjendje shumë të rëndë dhe kam qëndruar për disa ditë me radhë në reanimacion, në gjendje kome derisa jam përmendur, por shansi i madh i imi ka qenë që mjekët italianë më kanë qëndruar pranë dhe më sollën edhe njëherë në jetë”, tha ai, për emisionin “Rudina” në TV Klan.
Ndryshe, këngëtari tregon që në intubim ishte aq agresiv, sa madje janë detyruar t’i lidhin duart pasi dilte jashtë kontrollit. Ai tashmë ndodhet në gjendje të mirë shëndetësore dhe është vaksinuar në Itali.