Në fshatin Shillovë, komuna e Gjilanit mbrëmë ka ndodhur një rast i dhunës në familjes, përcjell InLajmi.
I dyshuari A.V ka rrahur, kanosur dhe sulmuar me armë bashkëshorten e tij Z.A gjersa ishin në shtëpinë e tyre, njofton Policia e Kosovës përmes një njoftimi.
Viktima është dërguar në Qendrën emergjente për tretman mjekësor dhe gjendja e saj shëndetësore sipas mjekut është stabile.
Ndryshe, pas intervistimit në bazë të procedurave ligjore të dyshuarit i caktohet masa e ndalimit për 48 orë. Rasti procedohet në Prokurorinë Themelore.
Njoftimi i plotë Policisë:
Armëmbajtje pa leje – Kanosje me armë – Dhunë në familje
Policia e Kosovës Njësiti i hetimeve nga stacioni policor i Gjilanit sot me 28 maj 2021 kanë pranuar një ankes për një rast ” Dhunë në Familje”, në fshatin Shillovë komuna Gjilan.
Policia e Kosovës (PK)me urgjencë kanë dalë në vendin e ngjarjes dhe nga hetimet e para msohet se viktima e rastit bashkëshortja e të dyshuarit Z. A. gjersa ishin në shtëpinë e tyre në fshatin Shillovë është “sulmuar, rrahur dhe kanosur” me armë nga bashkëshorti i saj A.V.
Viktima është dërguar në Qendrën emergjente për tretman mjekësor dhe gjendja e saj shëndetësore sipas mjekut është stabile.
Me urdhër të Gjyqtari të procedurës paraprake për krime të rënda në Gjilan, sot me 28 maj 2021 duke filluar nga ora:19:45-20:05h është bastisur shtëpia dhe objektet përcjellëse të të dyshuarit MSK
A.V.(1983) dhe gjatë bastisjes në shtëpinë e tij dhe në objektin përcjellës në garazhë janë gjetur dhe sekuestruar si dëshmi materiale për gjykatë:
- Nëntëmbëdhjetë (19) copë fishekë të kalibrit 09mm.
- Tre (03) cope fishekë te kalibrit 7.65 mm.
- Një pistoletë te markës “CRVENA ZASTAVA ” ngjyre e zeze M70 , e kalibrit 7.65mm,prodhim Jugosllav dhe
- Një karikator të zbrazët të pistoletës 7.65 mm
Me vendim të prokurorit të shtetit është iniciuar rasti ,,Armëmbajtje pa leje-Dhunë në familje dhe Kanosje me arme’’
Pas intervistimit në bazë të procedurave ligjore të dyshuarit i caktohet masa e ndalimit për 48 orë.
Rasti procedohet në PTh./InLajmi/
