Policia e Kosovës ka njoftuar se në Ferizaj një i moshuar rreth 74 vjeç ka lajmëruar në Polici që ka shitur 7 krerë lopë në vlerë 11.400 euro dhe në të njëjtën ditë në një qendër tregtare në Ferizaj i kanë vjedhur paratë, përcjell InLajmi.
Pas marrjes së këtij informacioni Policia e Kosovës ka filluar menjëherë hetimet dhe ka arritur të sigurojë prova të mjaftueshme se 74 vjeçari nuk kishe pasur lopë fare dhe nuk kishte qenë në tregun e kafshëve atë ditë dhe se ky rast është lajmëruar rrejshëm.
Sipas Policisë i moshuari nga Ferizaji e ka pranuar rastin në tersi dhe me vendin të prokurorit është liruar.
Njoftimi i plotë i Policisë së Kosovës:
Lajmërim i rrejshëm
Sektori Rajonal i Hetimeve nga Drejtoria Rajonale e Policisë në Ferizaj, ka arritur të zbardhë rastin, të raportuar me datën 15.05.2021, si ‘’Vjedhje e rëndë’’.
Viktima , tashmë i dyshuari I.A ( M/SH/K), 74 vjeçar, kishte lajmëruar në polici, se me datën 15.05.2021 rreth orës 09:30, kishte shitur në tregun e kafshëve në Ferizaj, shtatë ( 7 ) krerë lopë në vlerë të njëmbëdhjetëmijë e katërqindë , ( 11400 euro) dhe se në ditën e njejtë, rreth orës 15:30, sipas tij këto të holla ju kishin vjedhur në një qendër tregtare në Ferizaj .
Gjatë hetimit të këtij rasti, hetuesit policorë kanë arritur që të sigurojnë prova të mjaftueshme materiale dhe deklarative, se i njëjti nuk kishte pasur lopë fare dhe nuk kishte qenë as në tregun e kafshëve, por që kishte lajmëruar rrejshëm këtë rast, gjë të cilën e ka pranuar në tërsi .
Me vendim të Prokurorit të Prokurorisë Themelorë në Ferizaj, i dyshuari është liruar në procedurë të rregullt. /InLajmi/
