Universiteti i Prishtinës “Hasan Prishtina” ka vendosur ta dërgojë në Këshillin e Etikës profesorin Ardian Kastratin për fjalët fyese që i kishte thënë ndaj Vjosa Osmanit, përcjellë InLajmi.
Sipas tyre Këshilli Etikë është organ i pavaruar nga UP-ja dhe i emëruar nga Senati.
Kujtojmë se Ardian Kastrati kishe shkruar një status me disa fjalë fyese për Vjosa Osmanin në ditën kur ajo është zgjedhur Presidente.
Njoftimi i plotë nga UP:
Pas njoftimit të Universitetit të Prishtinës “Hasan Prishtina” lidhur me distancimin dhe dënimin e gjuhës denigruese, të përdorur në postimin e z. Ardian Kastrati, profesor asistent në Fakultetin Filozofik, UP-ja njofton opinionin se këtë çështje e ka dërguar për trajtim me prioritet në Këshillin e Etikës.
Këshilli i Etikës është organ i pavarur i UP-së, i emëruar nga Senati, me qëllim të trajtimit në mënyrë meritore dhe sipas ligjit, çështjet e tilla brenda UP-së.
Meqenëse puna në Universitetin e Prishtinës bazohet në vlerat themelore të arsimit të lartë, jemi të përkushtuar që mjedisi universitar të jetë i sigurt, nxitës, pa diskriminim dhe respektues i plotë i të drejtave të njeriut. /InLajmi/
