Shoqëria Civile ka zhvilluar një protestë të hënën para Rektoratit të UP-së ku kanë kërkuar përjashtimin e Ardian Kastratit për shkak të deklaratës së tij fyese ndaj Vjosa Osmanit, raporton InLajmi.
Kastrati përveç detyrës së tij si professor në Universitetin e Prishtinës është edhe deputet I PDK-së dhe të dielën pas përfundimit të séances në të cilën u zgjodh presidenti I vendit ka reaguar me një status fyes apo thënë ndryshe me një gjuhë seksiste ndaj Vjosa Osmanit.
“Gjithmonë më ka pëlqyer shumë satira e Faik Konicës. Në një shkrim të botuar në ‘ Gazeta Dielli’ mes tjerash gjeta këtë përshkrim satirik të Konicës (për një ish zyrtare të lartë të Stambollit) që sonte më bëri të qesh me lot: ‘…një fshatarake me një bark si kadë e me këmbë si magje, me një palë duar të trasha e të pjekura, e me një fytyrë të fryrë e të kuqe si piper t’Ohrit’”, ka shkruar ai. /InLajmi/
