Përfaqësuesi i komunitetit turk, deputeti i zgjedhur, Fikrim Damka, pas takimit që ka zhvilluar me kandidatin për kryeministër, Albin Kurti dhe kandidaten për presidente Vjosa Osmanin, është shprehur se nuk kanë vendosur nëse do ta votojnë ose jo Qeverinë Kurti, raporton InLajmi.
Damka është deklaruar se për çështjen e presidentit do të qëndrojnë në sallë teksa ka bërë të ditur edhe kërkesën e tyre për një post ministror.
“Kemi pasur një takim sipas ftesës së Osmanit dhe Kurtit lidhur me krijimin e institucioneve. Deri më tani s’kemi vë kushte por kemi kërkesa. Do të vazhdojnë bisedat për krijimin e Qeverisë Kurti. Do të japim kontributin për të ardhmen e Kosovës”.
“Nuk e kemi vendosur nëse do të votojmë Qeverinë Kurti, por për presidentin do të qëndrojmë në sallë. Kemi kërkesë për një post ministror”, tha ai.
Ai nuk ka lënë pa përmendur edhe çështjen e Ambasadës së Kosovës në Jerusalem, të cilën e sheh si sfidë për Qeverinë e re.
“Në të ardhmen Qeveria e ardhshme do të ballafaqohet me sfidën e Ambasadës në Jerusalem por ne do të qëndrojmë pran për zgjedhje të këtij problemi. Kjo ambasadë nuk është vetëm breng ë e komunitetit turk por duhet të jetë për të gjithë shoqërinë kosovare”, tha Damka /InLajmi/
