Sot është mbajtur takimi i komitetit për siguri ku u analizua gjendja e përgjithshme me pandemin në Kosovë raporton InLajmi.
Kryeministri në detyrë Avdullah Hoti vitin e kaluar por edhe këtë vit i konsideron si të jashtëzakonshëm si pasojë e situatës pandemike me koronavirus.
Hoti tha se se pandemia ka shkaktuar probleme të mëdha sociale dhe ekonomike.
“Pandemia na ka shkaktua probleme sociale dhe ekonomike dhe nuk kemi arritur të i’u dalim në ndihmë të gjithë atyre që kanë pasur nevojë. Asnjë aktivitet nuk është anuluar për mungesë të buxhetit. Tash me të dhënat që kemi gradualisht po kthehemi në normalitet. Tash jemi në fazën finale të kësaj pandemie”, tha Hoti.
“Për disa javë presim arritjen e vaksinave dhe janë bërë të gjitha përgatitjet në këtë drejtim sipas standardeve të BE-së. Më presim që disa javë të arrijnë vaksinat. Jam i sigurt se do t’ia dalim mbanë dhe do t’i kthehemi normalitetit”.
Në këtë takim Hoti nuk ka lënë pa prezantuar edhe sukseset e qeverisë së tij.
“Janë organizuat klinikat, spitalet rajonale që të mos mbesim mbrapa. Në muajt e parë të gjithë kemi qenë të frikësuar. Në fillim masat kanë qenë shumë më restriktive, por më vonë kemi filluar t’i standardizojmë”.
“I kemi rritur kapacitet testuese dhe testimet mbi 3000 veta në ditë. Është ngritur furnizimi me oksigjen. Kemi marrë shumë kritika nga njerëz që s’kanë dhënë kontribut. Masat kanë mundësuar funksionimin e ekonomisë”./InLajmi/
