Supremja ka refuzuar ankesën e Lëvizjes Vetëvendosje kundër vendimit të Panelit Zgjedhor për Ankesa dhe Parashtresa, për verifikimin dhe numërimin e 9048 pakove me fletëvotime të dorëzuara me postë nga votuesit jashtë Kosovës dorëzuar në postën nr. 6, në rrugën ˮAgim Ramadaniˮ në Prishtinë, përcjellë InLajmi.
“REFUZOHET si e pabazuar ankesa e subjektit politik Lëvizja Vetëvendosje, me seli në Prishtinë, e paraqitur kundër vendimit të Panelit Zgjedhor për Ankesa dhe Parashtresa A.nr.760/2021, datë 6 mars 2021”, thuhet në vendimin e Supremes
Njoftimi i plotë nga Gjykata Supreme:
Me vendimin e Panelit Zgjedhor për Ankesa e Parashtresa A.nr.760/2021, datë 6 mars 2021, është refuzuar si e pabazuar ankesa e subjektit politik Lëvizja Vetëvendosje, me seli në Prishtinë me të cilën ka kërkuar që të urdhërohet Komisioni Qendror i Zgjedhjeve që të bëjë verifikimin dhe numërimin e 9,748 (nëntëmijeshtatëqindedyzetetetë) pakove me fletëvotime të dorëzuara me postë nga votuesit jashtë Kosovës dorëzuar në postën nr. 6, në rrugën ˮAgim Ramadaniˮ në Prsihtinë.
2Kundër këtij vendimi me kohë ka paraqitur ankesë subjekti politik Lëvizja
Vetëvendosje, me seli në Prishtinë, me të cilën e konteston ligjshmërinë e vendimit të
atakuar, dhe propozon që i njëjti vendim të anulohet dhe të urdhërohet Komisioni Qendror
Zgjedhor (KQZ), që të bëjë verifikimin dhe numërimin e 9,748
(nëntëmijeshtatëqindedyzetetetë) pakove me fletëvotime të dorëzuara me postë nga votuesit
jashtë Kosovës të arritura sipas pretendimit deri me 12 shkurt 2021 por të tërhequra KQZ më
datat 18, 19 dhe 25 shkurt te vitit 2021.
PZAP në përgjigje në ankesën e subjektit politik të lartë përmendur kundërshton
thëniet ankimore dhe propozon që ankesa të refuzohet si e pabazuar.
Gjykata Supreme e Kosovës, pas vlerësimit të vendimit të atakuar, pretendimeve
ankimore, dhe pretendimeve të paraqitura në përgjigje në ankesë, gjeti se:
Ankesa është e pabazuar.
Nga shkresat e lëndës rezulton se me rastin e Zgjedhjeve të parakohshme
Parlamentare 2021, më datën 5 mars 2021, PZAP ka pranuar apelin Anr. 760/2021, të
paraqitur nga subjekti politik Lëvizja Vetëvendosje (LVV) me seli në Prishtinë, të paraqitur
kundër vendimit e KQZ-së, nr. 860-2021 të datës 4 mars 2021, me të cilin janë shpallur
rezultatet përfundimtare për Zgjedhjet e Parakohshme për Kuvend të Republikës së Kosovës,
të mbajtura më 14 shkurt 2021, duke mos përfshirë 9,748 (nëntëmijeshtatëqindedyzetetetë)
pako me vota të votuesve jashtë Kosove.
Parashtruesi i apelit pretendon se fletëvotimet e dërguara nga ana e votuesve jashtë
Kosove duhet të pranohen, të klasifikohen dhe të numërohen për arsyen themelore objektive,
sepse të gjithë dërguesit e këtyre pakove me fletëvotime i kanë dorëzuar dërgesat në kohë të
duhur brenda afatit të përcaktuar pa asnjë vonesë. Në bazë të nenit 96.2 të LZP-së, parashihet
se votat përmes votimit jashtë Kosovës duhet të pranohen nga KQZ-ja para ditës së
zgjedhjeve, sikurse përcaktohet me anë të rregullave të KQZ-së. Mirëpo pretendimi i
subjektit politik LVV, është se kjo normë ligjore nuk ka konkretizim përmes Rregullës
Zgjedhore për situatat e jashtëzakonshme subjektive si forca madhore (vis major). Më tej në
apel parashtruesi shton se ekzistojnë edhe arsye tjera subjektive rrethanore që arsyetojnë
pranimin dhe numërimin c këtyre votave, duke qenë se zgjedhje e 14 shkurtit 2021 kanë qenë
të jashtëzakonshme dhe të parakohshme, dhe se të njëjtat janë edhe objektivisht të
3
jashtëzakonshme për shkak të rrethanave të shkaktuara nga fuqia madhore në rastin konkret
Pandemia Covid 19, e cila rrethanë nuk varet nga faktori njeri.
Në apel theksohet se për shkak të afateve shumë të shkurtër për mbajtjen e
zgjedhjeve të parakohshme për Kuvend të Republikës së Kosovës, KQZ-ja nuk ka arritur ti
përmbushë të gjitha detyrimet ligjore për periudhën e aplikimit për votim jashtë vendit të
paraparë me Planin Operues të miratuar nga KQZ, duke ia mohuar gjithë aplikuesve për
votim jashtë Kosove të drejtën e shfrytëzimit të mjeteve juridike. Si provë për pretendimet e
tyre parashtruesi i apelit ka bashkangjitur në apel korrespondencat e mbajtura në mes të
anëtarëve të KQZ-së nga radhët e subjektit politik LVV-së dhe postës- DHL si dhe Planin
Operues të KQZ-së.
Parashtruesi i apelit kërkon që PZAP të urdhërojë KQZ-në, për verifikimin dhe
numërimin e 9,748 pakove me fletëvotime të dorëzuar në postë nga votuesit jashtë Kosove, të
cilat kanë arritur në KQZ pas afatit të përcaktuar më datë 12 shkurt 2021.
Në përgjigje në apel të datës 5 mars 2021, KQZ-ja, ka theksuar se në mbledhjen e
datës 2 mars 2021, Kryeshefi Ekzekutiv ka njoftuar KQZ-në se Sekretariati ka pranuar pako
të supozuara me fletëvotime pas përfundimit të periudhës së votimit përmes postës jashtë
periudhës kohore e cila është përmbyllur më 12 shkurt 2021.Tërheqja është bërë në tri ditë të
ndryshme, më datën 18, dhe 19 shkurt 2021 janë tërhequr nga posta e shpejtë DHL, 718 pako,
ndërsa me 25 shkurt nga fahu postar janë tërhequr 9,030 pako. Rrjedhimisht Paneli gjeti se
këto pako kishin ardhur pas përfundimit të periudhës së lejuar për votim nga jashtë dhe pas
datës së zgjedhjeve dhe për këto arsye refuzoi apelin e subjektit politik LVV.
Duke shqyrtuar ankesën e subjektit politik LVV, Gjykata Supreme gjeti se ankesa
është e lejueshme dhe e afatshme mbi bazën e nenit 118.4 i Ligjit nr.03/L-073 për Zgjedhjet e
Përgjithshme në Republikën e Kosovës e në përputhje me nenin 12.2 të Ligjit nr.03/L-256 të
Ligjit për ndryshimin dhe plotësimin e Ligjit 03/L-073 për Zgjedhjet e Përgjithshme në
Republikën e Kosovës, parashikon se mund të apelohet vendimi i PZAP.
Gjykata Supreme vlerësoi se janë të pabazuara pretendimet e LVV-së, paraqitur në
ankesën ndaj vendimit të kontestuar të PZAP, sepse i njëjti nuk përmban parregullsi për
shkak të cilave do te vihej në pikëpyetje ligjshmëria e vendimit të PZAP-së.
Qëndron fakti se me nenin 96 paragrafi 2 i Ligjit për Zgjedhjet e Përgjithshme (LZP),
vota përmes votimit jashtë Kosovës duhet të pranohet nga KQZ-ja para ditës së zgjedhjeve,
4
sikurse përcaktohet me anë të rregullave të KQZ-së, ndërsa me nenin 4 paragrafi 4 i
Rregullës Zgjedhore nr.03/2013, përcaktohet se vota jashtë Kosovës duhet të pranohet nga
KQZ-ja, 24 orë para ditës së zgjedhjeve. Në rastin konkret (siç del nga vendimi i kontestuar i
PZAP-it) votuesit jashtë Kosovës, 9,748 pako me fletëvotime janë tërhequr me vonesë dhe se
sipas parashtruesit të ankesës nuk është faji i votuesve sepse të njëjtit i kanë dorëzuar në postë
para afatit të paraparë. Kjo edhe për faktin se rrethanat e jashtëzakonshme që këto zgjedhje
janë të parakohshme dhe se mbahen në kohë pandemie.
Sipas vlerësimit të Gjykatës Supreme, përcaktuese për ligjshmërinë qëndrimi të
PZAP-së është i bazuar në Aktgjykimin të Gjykata Kushtetuese, në rastin Nr. KI207/19, ku
konstatohet se aktgjykimet e Gjykatës Supreme të Republikës së Kosovës A.A U.Z
nr.20/2019 i datës 30 tetor 2019 dhe A.A U.Z nr.21/2019, datë 5 nëntor 2019, nuk janë në
përputhshmëri me nenin 3 të Protokollit nr.1 të Konventës Evropiane për të drejtat e njeriut
në Lidhje me nenin 45 të Kushtetutës së Republikës së Kosovës. Në aktgjykimet e Gjykatës
Supreme të lartpërmendura të vitit 2019 ishin pranuar pretendimet e tilla duke vlerësuar në
se verifikimi dhe numërimi i fletëvotimeve të përshkruara në këto aktgjykime, nuk e pengon
procesin dhe verifikimin e pastaj numërimin edhe të fletëvotimeve të votuesve jashtë
Kosovës. Pas Aktgjykimit të Gjykatës Kushtetuese, Nr. KI207/19, këto pretendime nuk mund
të pranohen sepse bien ndesh me këtë aktgjykim.
Ndërsa sa i përket forcës madhore (vis major) të cekurat në pretendimet e palës
ankuese, nga përgjigja në ankesë del se KQZ-ja nuk ka qenë e njoftuar nga askush se ka pasur
ndonjë pengesë madhore në arritjen e dërgesave postare në Kosovë, e po ashtu vlen të
theksohet se totali i dërgesave postare ka qenë rreth 43 mijë dërgesa, të cilat kanë arritur
brenda afatit ligjor të përcaktuar me Ligjin dhe rregullat e KQZ-së, pa qenë të penguara nga
ndonjë forcë madhore dhe ashtu si kanë arritur këto dërgesa të cilat janë dërguar me kohë,
ashtu do të duhej të arrinin edhe dërgesat tjera sikur të ishin dërguar me kohë. PZAP ka dhënë
arsyetim të mjaftueshëm me të cilin pajtohet edhe Gjykata Supreme e Kosovës.
Gjykata Supreme, e pranon në tërësi gjendjen faktike të konstatuar nga PZAP, pasi që
me provat që gjendën në shkresat e lëndës konstatohet në mënyrë të plotë dhe të besueshëm
gjendja faktike e konstatuar nga PZAP. Nga provat në shkresat e lëndës shihet se këto pako
kanë arritur pas skadimit të afatit.
5
Duke marrë parasysh se PZAP-i, me rastin e refuzimit të apelit, ka marrë parasysh një
mori rrethanash të theksuar si në arsyetimin e vendimit të ankimuar, dhe ka zbatuar drejtë të
drejtën materiale, gjegjësisht nenin 115 paragrafi 1, 2 dhe 3, nenin 119 paragrafi 5, të LZP-së
prandaj Gjykata Supreme konkludon se ankesa e subjektit politik Lëvizja Vetëvendosje
(LVV) duhet të refuzohet si e pabazuar
Për arsyet e paraqitura më lartë, e në pajtim me nenin 118 pika 4 të Ligjit mbi
Zgjedhjet e Përgjithshme në Kosovë, u vendos si në dispozitiv të këtij aktgjykimi. /InLajmi/
