Pandemia ka bërë që të humben shumë vende pune në Kosovë, e lidhur me këtë Instituti “Paragon” ka mbajtur tryezën “Ndikimi i pandemisë Covid-19 në tregun e punës, sfidat si dhe pritshmëritë”, përcjellë InLajmi.
Aty u tha se rreth 50 mijë punëtorë kanë humbur vendin e punës, ndërsa 150 mijë punëtorë vazhdojnë me probleme sa i perket marrjes së pagave dhe kanë falimentuar 10 mijë biznese krejt kjo shkaku i pandemisë Covid-19.
Nga shoqata e Gastronomëve thanë se ky sektor ka bërë një lloj kompromisi për mbyllje dhe prej asaj periudhe ka pasur rënie 64% apo rreth 20 milionë euro dëme.
“Prej fillimit sektori i gastronomisë ka bërë një lloj kompromisi për mbyllje dhe prej asaj periudhe ne kemi rënie 64% rënie si sektorë apo rreth 20 milionë euro dëme”.
“89% e bizneseve deri në tetor kanë punuar me humbje, mirëpo tani rrethanat kanë ndryshuar dhe nuk është si në 2020. Roli i shtetit gjatë kohës së pandemisë ka qenë shumë i mangët”.
Ndërsa Fisnik Dugolli nga “Paragon” tha se pandemia ka ndikuar në rënien e ekonomisë.
“Pandemia edhe në vendin tonë nga ndikuar në rënien e ekonomisë. Nga kjo pandemi ka pësuar rënie cilësia në sektorin e arsimit. Pandemia ka prekur të gjithë grup moshat për tu manifestuar me mbyllje të bizneseve”.
Sipas tij një punë e mirë që është bërë është miratimi i ligjit për rimëkëmbje ekonomike.
“Një punë e mirë që është bërë është miratimi i Ligjit për rimëkëmbje ekonomike. Dhënia e pakove ka detyruar bizneset të rrisin numrin e funksionalizimit të punëtorëve”/InLajmi/
