Hamdi Bytyqi, kandidati për deputet nga radhët e Aleancës për Ardhmërinë e Kosovës, ka shprehur synimin se kjo parti do të dal e pata në zgjedhjet e 14 shkurtit, raporton InLajmi.
Kjo pasi që sipas tij AAK e ka dëshmuar se dinë të kontribuoj për shtetin e Kosovës.
Bytyqi thekson se nëse do jet fitues në zgjedhje do të fokusohet në përmirësimin e arsimit, pasi sipas tij mungon ndërlidhja e arsimit me tregun e punës.
“Realisht mendoj që lëmit për të cilat më shumë jam i thirrur më kanë bërë që të japë kontribut në këtë drejtim një periudhë 30 vjeçare në arsim, por edhe një periudhë dhjetë vjeçare në kulturë, kështu që kjo është sfidë. Ka qenë kërkesë e bashkë votuesve të mi e që është privilegj të jem edhe kandidat për deputet”,u shpreh ai.
“Mendoj se sferë kryesore do të jetë arsimi profesional pastaj kultura por edhe ekonomia që ndërlidhet me arsimin profesional sepse vendit i mungon një qasje te arsimi profesional që lidhet me ekonominë sepse ka punë shumë. Na kemi punëtorë mirëpo nuk kemi profesionistë që kërkohen në treg të punës”,tha tutje ai.
Ai konsideron të vonuara veprimet e Qeverisë së mëhershme sa i përket masave për parandalimin e përhapjes së Covid-19, duke shtuar që kjo ka ndodhur si pasojë e inateve politike.
“Dëmtimi ka qenë evident në Kosovë, mirëpo ka pasur vonesa sa i përket reagimeve që kanë ndodhur më shumë për inate politike që sinqerisht ndonjëherë na kanë shkaktuar edhe neveri. Është dashur që veprimet të jenë të menjëhershme sepse kemi qenë në një kohë krize pandemie”, shtoi ai. /InLajmi/
