Kandidati për kryeministër nga radhët e Lidhjes Demokratike të Kosovës, Avdullah Hoti, në përvjetorin e Lidhjes Demokratike të Kosovës, dega në Vushtrri ka thënë se ky qytet gjithmonë ka qenë fituese, përcjell InLajmi.
Hoti ka thënë se Vushtrria gjithmonë ka qenë me vizion të qartë, atë të presidentit historik, Ibrahim Rugova,
Postimi i plotë i tij:
Sot është përvjetori i Lidhjes Demokratike të Kosovës, dega në Vushtrri.
Falenderim të veçantë për kryesinë, strukturat dhe simpatizantët e LDK-së, për punën e palodhshme ndër vite dhe mobilizimin për këto zgjedhje.
Gjatë vizitave nëpër të gjitha degët e LDK-së, kam marrë mesazhin e qartë, strukturat dhe aktivistët janë të gatshëm për të vazhduar punën e palodhshme me dhe për shtëpinë e tyre politike, Lidhjen Demokratike të Kosovës.
Vushtrria gjithmonë ka qenë fituese sepse ka qenë me vizion të qartë, vizionin e presidentit historik dr. Ibrahim Rugova!
