Drejtoria Rajonale e Policisë së Prishtinës është duke ndërmarrur masa për parandalimin dhe zbulimin e veprave penale si dhe goditjen e individëve dhe grupeve kriminale, shkruan InLajmi.
Lajmin e ka konfirmuar zëdhënësja e policisë për rajonin e Prishtinës, Flora Ahmeti e cila ka thënë se policia pasi ka ndërmarr 2 operacione të bastisjes, ka arrestuar një person të dyshuar.
“Arrestohet një i dyshuar për grabitje të armatosur një tjetër shpallet në kërkim
Prishtinë, 13 janar 2021 – Drejtoria Rajonale e Policisë së Prishtinës ka intensifikuar ndërmarrjen e masave policore, operative e hetimore për parandalimin dhe zbulimin e veprave penale si dhe goditjen e individëve dhe grupeve kriminale.Fokus të veçantë ka marrë organizimi i punës policore për zbardhjen e veprave kriminale të grabitjes, identifikimi si dhe arrestimi i të dyshuarve të implikuar në veprat e tilla.
Progresi i hetimit policor për këto raste ka rezultuar me ndërmarrjen e dy operacioneve të bastisjes me ç’ rast, policia ka arrestuar të dyshuarin”, ka thënë Ahmeti për gazetën InLajmi.
Ndër të tjera në deklaratën e Ahmetit thuhet se personi me inicialet H.B, ka qenë i përfshirë në rastin e grabitjes së armatosur të ndodhur më datë 06.11.2020 rreth orës 18:30, ku 2 të dyshuar të armatosur dhe të maskuar kishin grabitur mbi 3000 euro para të gatshme nga një biznes hotelier në Graçanicë.
Ahmeti ka thënë se policia e ka identifikuar të dyshuarin e 2-të i cili sipas tyre ndodhet në arrati dhe se është shpallur nën kërkim
“H. B, mashkull, 22 vjeç, shtetas i Republikës së Kosovës, për të cilin ekziston dyshimi i arsyeshëm se i njëjti ka qenë i përfshirë në rastin e grabitjes së armatosur të ndodhur më datë 06.11.2020 rreth orës 18:30, ku dy të dyshuar të armatosur dhe të maskuar kishin grabitur mbi tre mijë euro para të gatshme nga një biznes hotelier në Graçanicë.
Ndërkohë që policia ka identifikuar edhe të dyshuarin e dytë; A.B, mashkull, 25 vjeç, shtetas i Republikës së Kosovës, i cili aktualisht është ë arrati të
njëjtin e ka shpallur në kërkim nën dyshimin e bazuar për përfshirje në rastin në fjalë.
Të dyshuarin e arrestuar policia e ka proceduar”,ka thënë Ahmeti./InLajmi/.
