Komuna e Drenasit gjatë këtyre ditëve ka pësuar vërshime si pasojë e reshjeve atmosferike, shkruan InLajmi.
Një gjë e tillë ka ndodhur edhe me lumin “Drenica”, i cili ka dalur nga shtrati si pasojë e nivelit të lartë të ujit në bjeshkët e Kosmaqit dhe të Berishës, të cilat derdhën në të.
Zyrtare për Informim dhe Monitorim të Mediave, Laureta Thaçi ka thënë për Gazetën InLajmi se të gjitha ekipet emergjente dhe zjarrfikësit janë në terren dhe po bëjnë të pamundurën që të evitohen pasojat që mund të shkaktojnë këto vërshime
“Për shkak të konfiguracionit reliever të terrenit, ku të gjitha ujërat nga bjeshkët e Berishës dhe Kosmaqit derdhën në lumin Drenica, dhe në rastet e tilla kapaciteti i shtratit të lumit nuk mund të përballoj një rrjedhje të tillë të ujit ku prurja vëllimore në njësi të kohës është jashtë normave normale. Por, ekipet emergjente dhe zjarrfikësit janë në terren dhe po bëjnë të pamundurën që të evitohen pasojat që mund të shkaktojnë këto vërshime. Po ashtu, jemi në kontakt të vazhdueshëm edhe me Forcat e Sigurisë së Kosovës për asistencë në rast se nuk mundemi të përballojmë situatën”.
Thaçi ka apeluar të gjithë qytetarët për bashkpunim.
“Ftojmë qytetarët për bashkëpunim pasi që ekipet do të jenë në dispozicionin e tyre në realizimin e kërkesave tyre, gjithmonë konform kapaciteteve që kemi”./InLajmi/
