Qytetarët e Drenasit tash e disa ditë janë përballur me mungesën e ujit të pijes, përcjell InLajmi.
Për këtë, komuna vjen me një arsyetim, siaps të cilit, mungesa e ujit ka të bëjë me turbullirën që është shkaktuar në kanalin e Ibrit, për shkak të reshjeve të shiut ditëve të fundit dhe pamundësia që të pastrohet uji.
Njoftimi i plotë nga Komuna e Drenasit:
“Njoftim lidhur me ujin e pijshëm!
Kompania Rajonale e Ujësjellësit u kërkon ndjesë qytetarëve të Drenasit për ç’rregullimin e furnizimit me ujë të pijshëm.
Kompania ka njoftuar se arsyeja ka të bëjë me turbullirën e ujit që është shkaktuar në kanalin e Ibrit, për shkak të reshjeve të shiut ditëve të fundit dhe pamundësia që të pastrohet uji.
“Jemi duke e bërë të pamundurën që të rregullohet sa më shpejtë edhe pse kjo është çështje e natyrës dhe që nuk është shkaktar faktori njeri”, thuhet në njoftimin e tyre.
Faleminderit për mirëkuptim!”./InLajmi/
