Norvegjia ka konfirmuar 2 rastet e para me variantin e ri të COVID-19 që u shfaq për herë të parë në Mbretërinë e Bashkuar.
Rastet janë 2 persona që kishin udhëtuar nga Britania e Madhe, të cilët rezultuan pozitivë të dielen.
Një nga dy rastet u zbulua në qytetin Kinn në Norvegjinë Perëndimore dhe tjetri në kryeqytetin norvegjez, Oslo.
“Ne mund të konfirmojmë që një person është konfirmuar i infektuar nga varianti i ri,” i tha Kjartan Sverdrup, një zëdhënës për shtyp i shërbimit shëndetësor të Oslos, transmetuesit shtetëror NRK. Këtë pasdite kam marrë një telefonatë nga një mjek nga Instituti Kombëtar i Shëndetit Publik duke më informuar se një nga mostrat e marra në komunën e Kinn kishte rezultuar pozitive për variantin e mutuar nga Anglia,” tha Jan Helge Dale, mjeku kryesor në Kinn, raporton The Local.
Sipas ekspertëve britanikë, varianti i ri është deri në 70% më ngjitës sesa variantet më të zakonshme të virusit. Por, sipas tyre nuk duket se është më vdekjeprurëse dhe deri më tani nuk ka prova se është më pak e përgjegjshme ndaj vaksinave, transmeton Front Online.
Në njoftimin e tij për shtyp, Instituti Kombëtar i Shëndetit Publik tha se mbetet e pasigurt nëse varianti i ri do të rrisë përhapjen e infeksionit në Norvegji dhe gjetkë.
