Drejtori i Agjencisë së Kosovës për Inteligjencë (AKI), Kreshnik Gashi pas raportimit në Komisinin për Mbikëqyrjen e Agjencisë së Kosovës për Inteligjencë lidhur me gjendjen e sigurisë në vend, nuk iu përgjigj të gjitha pyetjeve të deputetëve, kjo pasi ai nuk pati kohë, raporton InLajmi.
Pas mbledhjes së Komisionit, Deputeti i Vetëvendosjes, Dimal Basha tha se bashkë me Kreshnik Gashin u morën vesh që të mbahet një takim tjetër shtesë për shkak të angazhimit të tij.
“Ishte një prej takimeve me drejtorin në suaza të rregullta që vjen raporton Komisionit. Raportimi ishte në përgjithësi për sigurinë në vend, por sot për mediet tuja ka rënësi të ceket që drejtori kishte angazhime të tjera dhe ne vlerësuam që ta mbajmë një takim shtesë dhe prandaj kjo nuk ishte e gjitha. Kështu që pas takimit tjetër do të japim një raportim më të rëndësishëm”.
Basha përmendi temat që do të diskutojnë me drejtorin Gashi siç janë siguria në vend, cenimi nga Serbia dhe disa tema të tjera që do të diskutohen me detaje.
“Ka çështje shumë të rëndësishëm që na interesojnë d.m.th siguria në vend, cenimi kryesor që vjen nga Serbia gjithashtu prej strukturave që operojnë prej vendeve jo mike, një çështje që do ta ngris është edhe rasti i Gylenistëve sidomos pas raportit Këshillit të të Drejtave të Njeriut që ka dal me një raport shumë të keq për vendin tonë”./InLajmi/
