Kryeministri i Republikës së Kosovës, Avdullah Hoti i ka demantuar të gjitha lajmet të cilat po qarkullojnë në mediat e Kosovës për një dorëheqje të tij duke thënë se të gjitha janë të pa vërteta, përcjell InLajmi.
Informacionet të cilat po qarkullojnë nëpër media për dorëheqjen time janë të pa vërteta.
Këtë koment Hoti e bëri përmes një postimi në rrjetin social Facebook.
Tutje Hoti ka thënë se ka bërë të qartë së partitë parlamentare kanë vetëm 2 opsione: të gjejnë zgjidhje për çështjen e Presidentit ose të shkojnë në zgjedhje.
Sa i përket zhvillimeve të fundit pas veprimeve të Dhomave të Specializuara dhe dorëheqjes së ish Presidentit Thaçi, e kam bërë të qartë se partitë parlamentare i kanë dy opsione, të gjejnë zgjidhje për çështjen e Presidentit ose të dakordohen për datën e zgjedhjeve. Por, asnjëherë në asnjë kontekst nuk e kam përmendur dorëheqjen si opsion.
Hoti edhe një herë e theksoi se nuk e ka përmendur asnjëherë dorëheqjen si opsion.
Postimi i plotë i tij:
Informacionet të cilat po qarkullojnë nëpër media për dorëheqjen time janë të pa vërteta.
Me veprimet e mia kam dëshmuar gatishmëri e përkushtim për të ofruar zgjidhje për të gjitha çështjet e ngritura, duke zhbllokuar madje edhe proceset komplekse nëpër të cilat ka kaluar vendi siç ishte vendimi për vazhdimin e dialogut me parime dhe arritja e marrëveshje së 4 shtatorit në Uashington, hartimi i pakos emergjente dhe asaj për rimëkëmbje ekonomike dhe masat konkrete në menaxhimin e pandemisë Covid -19.
Sa i përket zhvillimeve të fundit pas veprimeve të Dhomave të Specializuara dhe dorëheqjes së ish Presidentit Thaçi, e kam bërë të qartë se partitë parlamentare i kanë dy opsione, të gjejnë zgjidhje për çështjen e Presidentit ose të dakordohen për datën e zgjedhjeve. Por, asnjëherë në asnjë kontekst nuk e kam përmendur dorëheqjen si opsion./InLajmi/
