Ndonëse janë bërë 3 javë prej kur janë mbajtur zgjedhjet në SHBA, të cilat e nxorën Joe Biden si fitues, megjithatë nga ajo ditë ka vazhduar debati mes këtij të fundit dhe Donald Trump, mbi fituesin real të këtyre zgjedhjeve, transmeton InLajmi.
E polemika mes tyre ka vazhduar edhe sot, kur Biden i bëri thirrje Trump-it që të pranonte humbjen sepse, sipas tij, populli duhet të bashkohet.
“Zgjedhjet kanë përfunduar. Është koha për të lënë anash partizanitetin dhe retorikën e krijuar për të demonizuar njëri-tjetrin. Ne duhet të bashkohemi”, ka shkruar Biden në Twitter.
Por, Trump nuk po bindet dhe i është kundërpërgjigjur përsëri, duke shkruar se GSA nuk e përcakton fituesin e zgjedhjeve.
“Mos harroni, GSA ka qenë e jashtëzakonshme dhe Emily Murphy ka bërë një punë të shkëlqyeshme, por GSA nuk përcakton se kush do të jetë Presidenti i ardhshëm i Shteteve të Bashkuara”, ka shkruar Trump në Twitter.
Zgjedhjet e 3 nëntorit e kanë shpallur Joe Biden si fitues të zgjedhjeve, teksa inaugurimi i tij do të bëhet në janar të vitit 2021./InLajmi/
