Kryeministri i Kosovës, Avdullah Hoti ka thënë se shumë shpejtë do të nisin negociatat për çështjen e Presidentit. Ai tha se për këtë rruga Kushtetuese është shumë e qartë.
“Çështja e presidentit do të marrë shumë shpejt udhë. Rruga kushtetuese është e qartë” është shprehur Hoti, i pyetur nga gazetarët, në konferencën për medie, pas vizitës në BQK.
Kryeministri ka folur edhe për ligjin për rimëkëmbje ekonomike, ku është shprehur i bindur se shumë shpejtë do të miratohet, raporton EO.
“Më vjen keq që ligji për rimëkëmbje është shtyrë. Por besojë që shumë shpejt do të përfundojë” ka thënë poashtu ai.
