Portreti i komandatitit, Agim Ramadanit – KATANA, sot zyrtarisht ka hyrë në librin e rekordeve Guinness, konfirmimi u pranua nga Muhameti nipi i Agim Ramadanit, prej Guinness World Records – Global Headquarters, Londër, Britani e Madhe, shkruan InLajmi.
Gruaja e tij, Shukrije Ramadani përmes facebook tha se është krenare që Agimi zyrtarisht ka hyrë në librin e rekordeve Guinness dhe se është heroi i vetëm kombëtar pjesë e GWR-së.
Këtë vepër e bëri artisti, Besart Gashi nën përkushtimin e nën monitorimin e profesorëve dhe mediumeve.
Postimi i plotë i saj pa ndërhyrje:
Jemi krenarë dhe të mallëngjyer sot me faktin se Agim jonë,zyrtarisht ka hyrë në librin e rekordeve Guinness dhe njëherit heroi i vetëm kombëtar pjesë e GWR-së.
Për konfirmimin na njohtoi, nipi i madh i Agimit, Muhameti i cili e Pranoi këtë njohtim nga Guinness World Records – Global Headquarters, Londër, Britani e Madhe.
Ky rekord i ri botërorë,njohton botën me figurën dhe shumëdimensionalitetin e Agimit,si dhe luftën e drejtė të UÇK-së. Është krenari,jo vetëm për ne ,të kemi një vepër të tillë e cila len gjurmë të pashlyeshme në arenën ndërkombëtare të artit.
Falënderim i veçantë për artistin Besart Gashi i cili përplot 50 ditë punë dhe përkushtim nën monitorimin e Profesorëve dhe mediumeve, që me durim dhe këmbngultësi ,arriti jetësimin e kësaj vepre. Portreti, tanimë pjesë e librit famëlartë është realizuar me 3 Milion e 138 mijë e 305 kapëse metali dhe këta numra jo rastësisht të tillë.
138 – Brigada “Agim Ramadani” dhe
305 – 3 Maj data e lindjes dhe muaji 05 maji qe solli Agimin në jetën që jetoi kaq shkurtë dhe kaq me intezitet!Falemnderit Besart për punën,dashurinë dhe respektin ndaj Agimit,falemnderit Muhamet që je i gatshëm të përkrahësh idetë novative dhe të ndihmosh realizimin e tyre!/InLajmi/
