Mbrojtësi shqiptar, Marash Kumbulla, ka bërë një hap përpara në karrierën e tij duke nënshkruar për skuadrën e Romës.
Ai është huazuar nga Hellas Verona për një periudhë 2 vjeçare, ndërsa në drejtim të kundërt kanë shkuar 3 lojtarë.
20-vjeçari e ka opsionin e nënshkrimit të marrëveshjes afatgjate (deri në qershor 2025) pas përfundimit të huazimit.
“Roma paraqet një mundësi dhe një sfidë, e pamundshme për ta refuzuar”, ka thënë mbrojtësi për faqen zyrtare të Romës.
“U binda nga plani që ka klubi dhe nuk pata hezitime për ta marrë këtë vendim – do të bëj gjithçka që është e mundur që të mos i zhgënjej ata që më kanë besuar”, ka shtuar ai.
Një produkt i Akademisë së Hellas Veronas, Kumbulla debutoi në Serie A në gusht të vitit 2018. Në edicionin e kaluar, regjistroi 25 paraqitje në kampionatin italian.
I lindur më Peschiera del Garda në afërsi të Veronas, Marashi përfaqëson vendin e prindërve të tij – Shqipërinë në nivel ndërkombëtar. Ai ka qenë pjesë e Kombëtare sU-17, U-19 dhe U-21, ndërsa në vitin e kaluar ka debutuar për ekipin e parë, transmeton Telegrafi.com
Te Roma, Marash Kumbulla do ta veshë fanellën me numër 24.
