Revista më e njohur e modës, Vogue, ka bërë një artikull të veçantë për ‘fustanin me dredhëza’ të kreatores shqiptare Lirika Matoshi, për famën që ka marrë ai në rrjetet sociale, madje duke e quajtur si ‘fustani i verës’.
“Fustani i verës” është një epitet që po marrin fustanet më të famshme dhe që vishen më së shumti gjatë sezonit të një vitit të caktuar.
E derisa në verën e vitit 2017 këtë epitet e ka marrë fustani i Zara, e dy vite më vonë gjithashtu, këtë vit është radha për një fustan të një kreatoreje shqiptare.
https://www.instagram.com/p/CDuDymKnMwW/
Siç shkruan Vogue, megjithëse këtë vit nuk është pritur të ketë një ‘fustan i verës’ pasi që është 2020 dhe të gjithë kanë qëndruar të mbyllur, “Fustani me Dredhëza” i Lirika Matoshit që kushton 490 dollarë, ka pushtuar Instagramin, Twitter dhe TikTok.
Ky është një fustan i lezetshëm, ngjyrë karamel me dredhëza të shpërndarë nëpër gjithë materialin dhe është një fustan që mund ta veshë Hirushja, një fëmijë apo edhe një person i famshëm i klasit të lartë.
https://www.instagram.com/p/CDze04Yngyx/
Matoshi e ka krijuar këtë fustan në korrik të vitit 2019 dhe sapo e ka postuar atë në Instagram, ai u bë i famshëm. Modelja Tess Holliday ka zgjedhur ta veshë në ceremoninë e Grammy këtë vit dhe fustani u bë edhe më i famshëm, përcjell Gazeta Express.
https://www.instagram.com/p/CC4N1XwHwJK/
“Shumica e njerëzve që po e blejnë fustanin tani, nuk e dinë se ku do ta veshin por i pëlqen ta veshin në shtëpi”, ka thënë kreatorja.
