Një grup gazetarësh nga Kosova po vizitojnë bregdetin në kuadër të promovimit të turizmit. Gjatë qëndrimit në Durrës ata kanë vizituar dy nga hotelet më të mira në këtë pjesë hotel “Fafa” dhe atë “Bonita”, raporton InLajmi.
Hotele këto që sivjet ofrojnë paketa me çmime të volitshme për pushuesit. Madje ata janë bërë gati edhe sa i përket respektimit të masave kundër përhapjes së koronavirusit.
Ky sektorë po del se është më i godituri nga pandemia tha pronari i Sharr Travel, Ruzhdi Kurtishaj.
Sipas tij, turizmin global e ka dëmtuar pandemia në masë të konsiderueshme, ku deri në fund të shtatorit parashikohet të humbin mbi 50 milionë vende të punës.Tutje, Kurtishaj pronar i “Sharr Travel”, tha se edhe përkundër që këtë vit humbjet janë të mëdha, kanë përgatitur oferta me çmime shumë të favorshme.
Ai foli edhe për masat e ndërmarra sa i përket ruajtjes së distancës dhe vënies së maskave, duke shtuar se janë duke u respektuar mjaftueshëm. Sipas tij, duhet vizituar Shqipërinë sepse çmimet janë të volitshme.Kurtishaj tha se ofertat e lira po tërheqin më shumë pushuesit për tu relaksuar dhe pushuar në Shqipëri.
“Mendoj që Shqipëria është destiancion kryesor për pushime verore. Këtë çka po bëjnë hotelet në Shqipëri është duke u përfillur që nga ruajtja ë distancës, përdorimi i maskave dhe dorezave, sepse e kemi zbatim të plotë të masave dhe higjienë”.
“Ofertat e lira po tërheqin më shumë pushuesit. Në këtë vit Sharr Travel e ka ofertën vetëm 54 euro dhe është çmim i favorshëm. Kemi mbi 300 polakë që kanë ardhur për të kaluar pushimet këtu në Shqipëri”.
Sipas tij, qëllimi kryesor është turizmi mbarëshqiptar.
Pronari i hotel, “Bonita”Astrit Ismaili theksoi se kjo situatë ka krijuar frikë te qytetarët, duke u u ankuar se kanë numër të vogël të pushuesve. Ai tregoi se numri më i madh që vizitojnë Shqipërinë janë kosovarët ndërsa nga diaspora është i kufizuar.
Sipas tij, ka 50% të zbritjes sa i përket çmimeve.
“Në pjesën e masave jemi angazhuar që çandrat të jenë 3.5 metra hapësirë, kemi dezinfektim të gjithë punëtorët janë të pajisur me maska”.
“Turistët kur vijnë janë më të relaksuar, por ndjehen më të qetë. Çmimet janë 50% zbritje të çmimeve. Ti respektojnë masat të mos grupohen në grupe dhe deti dhe temperatura ndikon pozitivisht”.
Fatos Cerenishti, pronar i hotelit “Fafa”, tha se Shqipëria është në ditët më të vështira sa i përket turizmit.Ndërsa tha se janë duke punuar me kapacitete 30 deri 40% krahasim me vitin 2019.
Cerenishta thotë se janë marrë masa të gjitha masat e kërkuar për parandalimin e pandemisë.
Ai poashtu tha se në krahasim me 2019 kanë çmime 30% më të ulëta.
“Në bashkëpunim me ministrinë e turizmit kemi bashkëpunim të shkëlqyer dhe Sharr Travel kanë bashkëpunim 10 vjeçar e cila për sa i përket numrit të pushuesve është rekord”./InLajmi/
https://vimeo.com/439498557
