Të gjitha shpenzimet e komunave në Kosovë për luftimin e pandemisë, do të rimbursohen nga niveli qendror,
Kështu ka konfirmuar për Ekonomia Online drejtori i Asociacionit të Komunave të Kosovës, Sazan Ibrahimi.
“Sa i përket përkrahjes financiare është nën kodi 0099 ku të gjitha shpenzimet të cilat bëhen nga niveli lokal për luftë ndaj kësaj pandemie do ta adresohen në atë nën kod dhe në fund të vitit do të bëhet një bilanc me nivelin qendror sa i përket harxhimeve dhe rimbursimit të mjeteve financiare ndaj komunave”.
Ibrahimi ka thënë se edhe gastronomët nuk i kanë respektuar me përpikëri rekomandimet e institucioneve të shëndetësisë dhe për këtë arsye Qeveria i ka shtrënguar masat në këtë drejtim.
“Neve kemi qenë në kontakt edhe më përpara sepse ka qenë Asociacioni i Kosovës që ka kërkuar të liberalizohen masat nga 1 qershori”
Kjo sepse kryetarët e komunave kanë menduar edhe për shëndetin ekonomik mirëpo po duket që gastronomia e cila vlerësohet që është një ndër shkaktarët e përhapjes së Covid-19 nuk i ka respektuar masat të cilat janë të propozuara nga manuali i hartuar nga Qeveria, dhe për këtë arsye ka ardhur një vendim i cili i obligon ato që nga ora 21:00 deri në ora 05:00 të jenë komplet të mbyllura.
“Kryetarët i përkrahën masat sepse qëllimi i tyre është që numri i të infektuarve të zvogëlohet, ka thënë Ibrahimi.
Ai ka potencuar se kanë marr zotimin nga kryeministri Avdullah Hoti që komunave të ju lejohet rritja e numrit të inspektorëve sanitar.
