E para e Kuvendit, Vjosa Osmani, ka kujtuar Masakrën e Srebrenicës duke thënë se ajo u shndërrua në vendin ku ndodhi gjenocidi i paparë në historinë më të re njerëzore, përcjell InLajmi.
Osmani thotë se edhe 25 vjet pas masakrës Serbia ende mohon krimin e bërë.
Postimi i plotë i saj:
I shpallur në korrik të vitit 1995 “vend i sigurt”, nga OKB-ja, Srebrenica u shndërrua në vendin ku ndodhi gjenocidi i paparë në historinë më të re njerëzore. Ky vend u bë vendvarrezë për mbi 8 mijë burra e djem boshnjakë, të cilët u vranë nga regjimi gjenocidal serb vetëm pse i takonin një etnie e religjioni tjetër.
25 vjet më pas Srebrenica ende thërret! 25 vjet më pas, Serbia ende mohon krimin.
Dhimbja për viktimat nuk ka përkatësi, ndaj sot bashkëndjejmë me familjet e viktimave. Nuk do të ketë asnjëherë paqe të qëndrueshme pa drejtësi për viktimat!
Srebrenica, kurrë më!/InLajmi/
