Shtatë persona kanë vdekur nga Covid-19 në 24 orët e fundit në Maqedoni të Veriut.
Lajmi është bërë i ditur nga autoritetet shëndetësore të vendit fqinj.
Ndërkohë janë regjistruar 115 të infektuar të rinj. Po ashtu janë shëruar 40 persona.
Në 24 orët e fundit në Maqedoni të Veriut janë testuar 1032 persona.
Numri më i madh i të infektuarve është në Shkup, përkatësisht 53 raste të reja, Strugë 13 raste, Tetovë 8 dhe nga gjashtë raste në Dibër dhe Shtip.
Në qytetet tjera ka nga më pak se katër raste te reja. 5 të vdekur janë regjistruar në Shkup dhe nga një në Tetovë dhe Krushevë, shkruan Alsat.
Nga 40 të shëruar, 26 prej tyre janë nga Shkupi. Gjatë 24 orëve të fundit janë bërë 1.032 teste, ndërsa probabiliteti i të infektuarve në raport me numrin e testeve arrin në 11 për qind.
