Isa Mustafa nuk e kishte larguar Vjosa Osmanin nga LDK-ja pavarësisht se kishte votuar kundër tij kur ishte bërë Kryeministër me PDK-në. Por, Kryetari i LDK-së ka vendosur t’i sfidojë anëtarët e Këshillit të Përgjithshëm të LDK-së me kërkesën për përjashtimin e Vjosa Osmanit nga pozita e Nënkryetares së LDK-së dhe anëtares së Kryesisë. Në orën 19 përfundon votimi.
Fati i Vjosa Osmanit në strukturat udhëheqëse të LDK-së do të vendoset deri në orën 19 të ditës së sotme. Isa Mustafa ka propozuar shkarkimin e Osmanit nga funksioni i Nënkryetares dhe anëtares së Kryesisë.Deputeti i LDK-së përkrah Vjosën, i reagon ashpër kreut të partisëKërkesa e Kryetarit të LDK-së drejtuar anëtarëve të Këshillit të Përgjithshëm të Partisë të votojnë me e-mail ka ardhur pasi Vjosa Osmani doli kundër Avdullah Hotit për Kryeministër derisa nuk mori fare pjesë në votimin kur me 61 vota u formua Qeveria LDK-AAK-NISMA me minoritetet.
Vjosa Osmani në zgjedhjet e 6 tetorit të vitit 2019 dështoi ta nxirrte LDK-në të parën në garë me partitë tjera ku VV doli e para. Pas zgjedhjeve u themelua koalicioni mes LDK-së dhe VV-së ku Vjosa Osmani pati rol vendimtar në arritjen e marrëveshjes.Mirëpo, Osmani doli kundër prishjes së koalicionit me VV-në dhe rrëzimit të Qeverisë.
Doli edhe kundër LDK-së kur u vendos që Avdullah Hoti të bëhet Shef i Qeverisë së re.
Isa Mustafa ditëve të fundit ka paralajmëruar masa ndaj secilit zyrtar partiak që del kundër vendimeve të Partisë. Është thirr në një nen të Statutit të LDK-së, i cili sanksionon funksionarët e LDK-së që dalin kundër partisë në procese të rëndësishme elektorale.
Vjosa Osmani kishte hyrë në politikë duke qenë Këshilltare e Fatmir Sejdiut bashkë me Isa Mustafën, i cili pastaj u ngjit në krye të LDK-së.
Osmani për një kohë kishte prishur raportet me Isa Mustafën kur nuk e kishte votuar për Kryeministër në dhjetor të vitit 2014.Mirëpo, Osmani ishte pajtuar me Mustafën dhe kishte përkrahur Avdullah Hotin për Kryeministër në zgjedhjet e 2017-ës, kur LDK dështoi, po ashtu, të dalë e para, shkruan EO.
Osmani përfundimisht ishte pajtuar me Kryetarin e LDK-së në zgjedhjet e fundit partiake kur Mustafa e pranoi për Nënkryetare dhe kërkoi votat e partisë për ta bërë edhe Shefe të Qeverisë.
