Drejtoresha e Klinikës Endokrinologjike në QKUK, Venera Berisha – Muharremi ka rezultuar pozitiv me koronavirus, përcjell InLajmi.
Berisha-Muharremi këtë e ka konfirmuar përmes një postimi të bërë në Facebook, derisa ka thënë se ka kërkuar që personeli i kësaj klinike të testohet.
“Lus të gjithë ata që kanë qenë në kontakt direkt me mua pa maska të vetizolohen dhe në rast të shfaqjes së shenjave të infeksionit të lajmerohen ne Klinikën Infektive”, tha Berisha-Muharremi.
Postimi i saj i plotë:
Të dashur miq!
Pasi që një infermiere e Klinikës Endokrinologjike ku unë jam drejtoreshë kishte të gjitha shenjat e infeksionit me Covid-19, te premtën doli pozitiv me virusin Covid-19, kerkova nga IKSHP që të testojë tërë personelin e kësaj klinike!
Para pak qasteve mora rezultatin e testit tim ku rezultova pozitiv me virusin Covid-19 edhe pse nuk kam asnje shenje klinike as ankesa!
Lus të gjithë ata që kanë qenë në kontakt direkt me mua pa maska të vetizolohen dhe në rast të shfaqjes së shenjave të infeksionit të lajmerohen ne Klinikën Infektive!
Unë ndihem shumë mirë dhe prej sot jam në vetizolim për 14 ditë dhe besoj që me ndihmën e zotit do ta kaloj edhe këtë sfidë!
E juaja
Venera /InLajmi/
