Avokati i njohur Arianit Koci ka njoftuar se rezultati në testimin e COVID 19 është negativ, por kërkon kujdes nga të tjerët, përcjell InLajmi.
“Duhet ta pranoj: jam zënë në befasi se sa mikun e dashamirin e paskam, shkroi Koci në facebook.
Ai tha se një falënderim i veçantë shkon për stafin e mrekullueshëm të IKSHP dhe drejtori Naser Ramadanin, të cilët me profesionalizëm e trajtuan rastin tim, dhe çdo rast tjetër.
“Shfrytëzoj rastin që ta falënderoj edhe ministrin Armend Zemaj, i cili u interesua për mua, dhe më siguroi që jo vetëm une, por të gjithë tjerët që eventualisht kanë nevojë, do ta kenë trajtimin profesional në IKSHP” vazhdoi ai tutje.
Sistemi ynë shëndetësor po funksionon, sidoqoftë, rreziku nuk ka kaluar ende, prandaj, pa panike por me shumë kujdes./InLajmi/
