Me rastin e 21 vjetorit të hyrjes së forcave tokësore të NATO-s në Kosovë, pas tërheqjes së trupave serbe nga Kosova, deputetja Mimoza-Kusari Lila kujton 1 milionë kosovarët e dëbuar nga vendi, përcjell InLajmi.
Ajo tha se liria Kosovës i kushtoi shtrenjtë, çmim të cilin e paguan me gjak e jetë shumë bijë e bija të cilët me armë në krah luftuan për liri.
“Sot kujtojmë edhe 1 milion kosovarë të dëbuar që u bënë refugjatë në Shqipëri, Mal të Zi dhe Maqedoni, e sot disa prej tyre janë ende më larg që nga 1999, por gjithmonë me kokën e kthyer nga Kosova” shkroi Kusari në facebook.
Deputetja tha se sot 21 vite pas, jemi vend i lirë, 12 vite pas jemi shtet i pavarur, por, ende jemi në përpjekje të krijimit të paqes dhe zhvillimit të qëndrueshëm.
“Kosova ka shumë storie të patreguara e shumë emra të harruar. Por, deri në ditën kur nuk i shkruajmë të gjitha tregimet tona dhe nuk i kujtojmë të gjithë ata që i kemi harruar, paqen nuk e kemi të fituar”, vazhdoi ajo.
Pa drejtësi nuk ka paqe. Pa paqe nuk ka qetësi dhe zhvillim. Ti meriton ti kesh më të mirat./InLajmi/
