Komisioni për Qeverisje Lokale, Administratë Publike, Zhvillim Rajonal dhe Media më 3 vota për, 3 kundër dhe 2 abstenime komisioni nuk ka miratuar raportin vjetor të Radio Televizionit të Kosovës, për vitin 2019 derisa u vendos të shkojë në seancë të Kuvendit për diskutim, raporton InLajmi.
Drejtori i Radio Televizionit të Kosovës (RTK) Ngadhnjim Kastrati, ka paraqitur ekspozenë e punës së RTK-së gjatë vitit 2019.
Ai deklaroi se prej 800 punëtorëve të rregullt 200 punëtorë prej tyre janë me kontratë mbi vepër. Lidhur me raportimin gjatë zgjedhjeve, Kastrati theksoi se mbulimi i ngjarjeve ka qenë i barabartë për të gjitha partitë.
Pavarësisht se tha ai se nga raporti i BE-së ka dalë që ka pasur mbulim më të gjerë për PDK-në në krahasim më partitë tjera.
“Të rregullt janë më pak se 800 punëtorë. Nëse flasim për numër të pagës është diçka tjetër. Sa i përket mbulimit të ngjarjes dhe debateve janë të barabartë me sekonda. Kemi pasur një vërejtje sa i përket uebit për një lajm që nuk ka qenë i vërtetë”.
Kastrati diskutoi edhe për planin buxhetor i cili do dërgohet në bord e pastaj edhe në Kuvend, duke thënë se të gjitha pagesat janë kryer, kurse sa i përket borxheve do të hartohet edhe një raport.
Mes tjerash, Kastrati foli edhe për të hyrat në RTK, ku sa i përket marketingut tha se është e përcaktuar me ligj shuma e caktuar./InLajmi/
