Kryetarja e Kuvendit të Kosovës Vjosa Osmani I ka reaguar Presidentit të Kosovës Hashim Thaçi në lidhje me deklaratën e tij të dhënë në emsionin Rubikon duke akuzuar se familja e Osmanit ka qenë bashkëounëtore me regjimin serb, përcjell InLajmi.
Osmani ka shfrytëzur rrjetin social facebook për t’iu kundërpërgjigjur akuzava të presidentit duke thënë se sonte, gjarpri paska provuar të kafshojë nderin e familjes së sajë.
Osmani ka thënë se babai i saj e ka njohur për Komandant suprem Dr.Ibrahim Rugovën, prandaj Thaçi po ia shpallë familjen tradhtare, njëjtë siç e shpallte Rugovën me komunikatat e tij të 90-tës e tutje
Ajo është shprehur e bindur se ky vend nuk i është nënshtruar as regjimeve gjenocidale.
Postimi i plotë i tij:
Sonte, gjarpri paska provuar të kafshojë nderin e familjes sime.
Babai im e ka njohur për Komandant suprem Dr.Ibrahim Rugovën. Me gjasë, prandaj, Thaçi po e shpallë familjen time tradhtare, njëjtë siç e shpallte Rugovën me komunikatat e tij të 90-tës e tutje. T’i shërbesh vendit tënd duke e njohur Rugovën si prijës, sipas Thaçit qenka sikur t’i shërbesh Serbisë. Shpallja e kundërshtarëve politik si bashkëpunëtorë të Serbisë i ka paraprirë gjithnjë sulmeve fizike e eliminimeve. E njëjta logjikë, si duket, po synohet të instalohet tash për të arsyetuar sulme të paramenduara e parapërgatitura.
Në historinë e Lidhjes Demokratike të Kosovës, nuk do të ketë njollë më të zezë se sa zgjedhja e këtij njeriu për President të vendit. Lidhja Demokratike e Kosovës do të jetë sërish lidhje me popullin vetëm në ditën kur kërkon falje të sinqertë e përkulet para qytetarëve për këtë gabim i cili po e qon vendin tonë drejt humnerës. Por ky vend nuk i është nënshtruar as regjimeve gjenocidale. Nuk do të dorëzohet as para shpifësve në rolin e Presidentit. E deri ateherë, kur ky popull do ja tregojë vendin secilit, me votë, ky njeri mbetet faqja më e zezë e vendit tonë. /InLajmi/
