Në mesin e dhjetë rasteve të fundit me koronavirus në Prishtinë, janë edhe dy fëmijë nga çerdhet e këtij qyteti.
Njoftimin e ka bërë drejtori i Shëndetësisë në Komunën e Prishtinës, Bujar Gashi në një prononcim për RTV Dukagjinin.
Si rezultat i këtyre ngjarjeve kryetari Shpend Ahmeti ka vendosur të mbyllen tri çerdhe në kryeqytet.
Në mesin e dhjetë rasteve të fundit me koronavirus në Prishtinë, janë edhe dy fëmijë nga çerdhet e këtij qyteti.
“Mbrëmë patëm edh dhjetë raste të reja që çuan numrin total të infektuarve në Komunën e Prishtinës në 106. Dy prej tyre rezultuan të jenë fëmijë të institucioneve parashkollore të cilët kanë qenë pjesëmarrës në çerdhet e Prishtinës. Si rezultat i kësaj kryetari Ahmeti ka kërkuar që të mbyllen tri çerdhe në kryeqytet. Pastaj ka filluar gjurmimi dhe kontaktimi i fëmijëve tjerë”.
Gashi thotë se po kontaktohen të gjithë fëmijët që kanë qenë në kontakt me fëmijët e infektuar.
“Janë të njohura të gjitha rastet e kontakteve. Edhe këta dy fëmijë janë kontakte të familjeve që kanë qenë më parë të infektuar”.
Drejtori i Shëndetësisë në Prishtinë thotë se me rastet e fundit, numri i rasteve aktive në Prishtinë shkon në 31, përcjell Telegrafi
“Me përjashtim të një rasti që është duke u trajtuar në Klinikën Infektive, rastet tjera janë në gjendje të mirë shëndetësore dhe gjenden në shtëpi”, tha ndër të tjera Bujra Gashi.
