Në Kosovë sot ka hyrë në fuqi faza e dytë e lehtësimit të masave të izolimit, të cilat ishin vendosur për të parandaluar përhapjen e koronavirusit e me këtë rast e ka filluar punën edhe trafiku urban.
Edhe pse Kryetari i Komunës së Prishtinës, Shpend Ahmeti, iu ka bërë thirrje qytetarëve që të respektojnë masat gjatë udhëtimit të tyre me autobusë nëpër kryeqytet.
“Nesër rifillon transporti publik, por me rregulla: numri maksimal i udhëtarëve ve për autobus – 20, nuk lejohet me hy në autobus pa maska, udhëtarët duhet ta kenë vërtetimin që janë në punë të org. e komp. që janë të lejuara ose të jenë në orarin e tyre të daljes – do të ketë kontrolle të policisë”, ka shkruar Ahmeti një ditë më parë në Facebook.
Por si duket qytetarët sot nuk respektuan këto masa.
Në redaksinë e Gazetës Express ka arritur një fotografi në të cilën shihen qytetarët të cilët nuk i kanë respektuar masat, derisa kanë qenë duke udhëtuar me njërin prej autobusëve të “Trafikut Urban” në Prishtinë.
Ndërkohë, në fazën e dytë parashihet të rihapen floktarët dhe sallonet e ondulimit, stomatologët dhe fizioterapeutët, tregtarët me pakicë dhe tregu i gjelbër, gastronomia, pra varianti ‘merre me vete’, transporti hekurudhor, transporti urban dhe ndërurban me leje të veçanta, qendrat e thirrjeve telefonike me lista të stafit esencial, si dhe galeritë dhe muzetë.
Qytetarët do të kenë mundësi që të dalin dy herë në ditë, nga dy orë, varësisht nga numri i parafundit në letërnjoftim.
