AAK konfirmoi se do të jetë pjesë e Qeverisë bashkë me LDK-në duke propozuar edhe tre emra potencial për ministra, por partia e Behgjet Pacollit, Aleanca Kosova e Re (AKR) nuk do të jetë pjesë e qeverisë së re, përcjell InLajmi.
Burime të sigurta të Ballkani.info kanë bërë të ditur se kjo parti nuk do të jetë pjesë e qeverisë së drejtuar nga Avdullah Hoti edhe pse më herët është thënë se do jenë aty.
“AKR mbështetë ecjen përpara të proceseve vitale për vendin, ballafaqimin me pandeminë dhe pasojat socioekonomike, por aktualisht nuk e ka në agjendë përfshirjën në çfarëdo qeverie”, kanë thënë burimet brenda AKR-së për Ballkani.info.
Tashmë është e paqartë nëse partia e Pacollit do ta mbështesë duke e votuar qeverinë e re, edhe pse në të kaluarën ish presidenti Pacolli ka dëshmuar se e voton.
AKR-ja në Kuvendin e Kosovës i ka dy deputetë. /InLajmi/
