Ministri i Bujqësisë Pylltarisë dhe Zhvillimit Rural Besian Mustafa ka dhënë një sqarim për të gjithë bujqit, shkruan InLajmi.
Mustafa ka thënë se puna e bujqëve në asnjë mënyrë nuk mund të ndalet dhe se me kërkesë të tij është mundësuar lëvizja e bujqëve për të punuar tokat e tyre.
Ky është Orari ku bujqit mund të lëvizin të lirshëm drejt punëve në arat e tyre:
? Orari i qarkullimit për bujqit individual të pajisur me Numër Identifikues të Fermës (NIF), vetëm për të punuar në fermat e tyre, do të jetë nga 06:00 deri në 20:00.
? Bujqit e pajisur me NIF do të jenë të lirë të punojnë fermat e tyre dhe të qarkullojnë nga komuna në komunë, vetëm për të realizuar punët e domosdoshme bujqësore, përveç nga dhe në vatrat e përhapjes së infeksionit. Për të qarkulluar, bujqit duhet në çdo kohë të kenë me vete:
➖i. Certifikatën e Regjistrimit të Fermerit
➖ii. Aneks 1 të Certifikatës – Shënimet e Fermerit të Regjistruar
➖iii. Letërnjoftimin
? Të punësuarit në fermë duhet të pajisen me “Vërtetim për lëvizje të lirë” i cili plotësohet nga pronari i fermës të cekur në Certifikatën e Regjistrimit të Fermerit. Vërtetim për lëvizje të lirë mund të shkarkohet në faqen e internetit të MBPZhR-së https://www.mbpzhr-ks.net/…/VERTETIM_PER_LEVIZJE_TE_LIRE_14…. Këta të punësuar do të jenë të lirë të punojnë dhe të qarkullojnë nga komuna në komunë, vetëm për të realizuar punët e domosdoshme bujqësore në fermën ku janë punësuar, përveç nga dhe në vatrat e përhapjes së infeksionit. Për të qarkulluar, të punësuarit duhet në çdo kohë të kenë me vete:
➖i. Kopjen e Vërtetimit për lëvizje të lirë, të plotësuar dhe nënshkruar nga pronari i fermës
➖ii. Kopjen e Certifikatës së Regjistrimit të Fermerit, të fermerit që i ka punësuar
➖iii. Aneks 1 të Certifikatës – Shënimet e Fermerit të Regjistruar, të fermerit që i ka punësuar
➖iv. Letërnjoftimin personal të tyre
? Kemi përfshirë NACE kodet për leje pune për të gjitha bizneset e zinxhirit të kultivimit, grumbullimit, përpunimit, etj. të ushqimit.
Ju faleminderit për mirëkuptimin që keni treguar, së bashku do ta kalojmë këtë sfidë!
Respektoni distancën prej 2 metrave ??—2m—??
Përdorni maskat ? dhe dorezat ?/InLajmi/
