Një person pa shenja jete është gjetur sot rreth orës 17.00 në rrugën “Shkupi” në Prishtinë.
Zëdhënësja e Policisë rajonale për Prishtinë Flora Ahmeti ka konfirmuar se bëhet fjalë për një person të moshës 82-vjeçare.
“Policia ka dalë në vend ngjarje me ç’rast ka hasur në viktimën mashkull 82-vjeçar, i cili ishte pa shenja jete. Vdekjen e viktimës e ka konstatuar ekipi mjekësor në vendngjarje. Me vendim të Prokurorit të Shtetit, trupi është dërguar për obduksion, ndërsa policia ka ndërmarrë veprimet e nevojshme për të ndriçuar dhe sqaruar plotësisht rrethanat e këtij rasti që është cilësuar si vdekje e dyshimtë”, ka thënë Ahmeti.