Këshilltari i presidentit Thaçi, Artan Behrami ka reaguar ndaj ndihmës që BE-ja ka bërë për Sërbin duke ia ndarë 7.5 milionë euro.
Ai këtë e sheh si deskriminim dhe kërkon nga Bashkimi Europian të ketë vepra kundrejt Kosovës e jo vetëm fjalë, shkruan InLajmi.
Postimi i tij i plotë:
Bashkimi Evropian ka vendosur që të ndajë 7.5 milionë euro për Serbinë, për ta përballuar më lehtë luftën kundër virusit COVID-19. Në javën e ardhshme, aeroplanë plot me pajisje medicionale do të arrijnë në Beograd. “BE-ja gjithmonë me Serbinë në kohën e nevojshme. Vepra, jo fjalë”. Këto ishin fjalët e ambasadorit të BE-së në Beograd, Sem Fabrizi.
Derisa BE-ja fjalët i shndërron në vepra në Serbi, në Kosovë si gjithmonë veprat i zëvendëson me premtime të thata.
Ambasadorja e BE-së në Kosovë, Nataliya Apostolova, krejt çfarë i ofron Kosovës janë disa lëvdata për Ministrinë e Shëndetësisë. Arben Vitia padyshim që është ministri më i mirë në kabinetin e Kurtit. Por, ambasadore, edhe ne kemi nevojë për mbështetje me pajisje medicionale. Edhe personelit shëndetësor, edhe ekipeve që po ballafaqohen nga afër me këtë pandemi, u nevojiten pajisje mbrojtëse, prandaj përkraheni edhe Kosovën njëjtë si Serbinë. Me vepra, jo me fjalë.
Serbia ju shantazhon gjithmonë përmes kartës ruse, prandaj edhe po e mbështetni
Moto e re e BE-së: “United in Discrimination”./InLajmi/
