Pas situatës me Covid19, në Kosovë shkollat vazhdojnë të jenë të mbyllura, shkruan InLajmi.
Mirëpo si zgjidhje për këtë problem Drejtoria e Arsimit në bashkëpunim me Ministrinë e Arsimit Shkencës dhe Teknologjisë kanë organizuar klasa virtuale përmes programeve që do të bëhet mësimi online në distancë.
Mësimi në klasa virtuale për nxënësit do të ralizohet përmes Radio Televizionit të Kosovës (RTK), njofton Drejtoria e Arsimit dhe kërkon që të vazhdojmë t’i ndjekim udhëzimet për distancim social dhe aplikimin e masave mbrojtse për parandalimin e përhajpes së Covid19.
Drejtoria e Arsimit falënderon mësimdhënësit nga Prishtina për gatishmërinë në këtë iniciativë dhe poashtu edhe prindërit për bashkëpunim, derisa njofton se do të jenë vazhdimisht aktiv për informacione të reja.
Postimi i plotë:
Shkollat janë të mbyllura, por mësimi do të vazhdojë me klasat virtuale dhe platformën e mësimit nga distanca!
Drejtoria e Arsimit në bashkëpunim me Ministrinë e Arsimit,Shkencës dhe Teknologjisë është duke punuar me përkushtim rreth organizimit të procesit dhe platformës të mësimit në distancë (mësimit online), me mësimëdhënësit e shkollave të Prishtinës. Platforma e mësimit në distancë (online), do të jetë në dispozicion për të gjithë nxënësit dhe do të transmetohet në kanalet e Radio Televizionit të Kosovës (RTK).
Është e rëndësishme që të i ndjekim të gjitha udhëzimet për distancim social dhe aplikimin e masave mbrojtëse për parandalimin e përhapjes së COVID-19, por është po aq e rëndësishmë që fëmijët tanë të mos mbesin prapa me mësime.
Prandaj, falenderojmë të gjithë mësimëdhënësit që po kontribojnë që kjo nismë të ketë sukses, prindërit të cilët do të jenë pjesë integrale në këtë proces dhe fëmijët tanë të cilët, patjetër që do të e tejkalojnë këtë sfidë me shumë lehtësi!
#Bashkë mund të ia dalim më lehtë!
#rriNshpi ? #mesongashtepia #Emesimi /InLajmi/