Deputeti i Lëvizjes Vetëvendosje, Mefail Bajqinovci ka reaguar për deklaratën e Thaçit sa i përket përhapjes së pandemisë COVID-19.
Ai përmes një postimin në rrjetin social Facebook tha se si ndryshoi situata brenda dy ditëve sa i përket përhapjes së koronavirusit, e tash presidenti i vendit po deklaron se situata po menaxhohet mirë, shkruan InLajmi.
Tutje Bajqinovci tha se nisma e Thaçit për të shpall gjendje të jashtëzakonshme, ishte për ta destabilizuar menaxhimin e mirë të ministrit Vitia dhe përmes kësaj nisme t’i shpallet puq qeverisë Kurti.
Postimi i plotë i tij:
Si ndryshoi situata brenda dy ditëve sa i përket përhapjes së pandemisë COVID-19, tash presidenti i vendit po deklaron se situata është nën kontroll.
Nisma e tij për të shpall gjendje të jashtëzakonshme, ishte për ta destabilizuar menaxhimin e mirë të ministrit Vitia dhe përmes kësaj nisme t’i shpallet puq qeverisë Kurti.
Presidenti Thaçi sot nuk e paska përmend punën e mirë të qeverisë, duke e përmendur vetëm IKSHP-në, mirëpo kjo e fundit nuk mund të funksionojë pa ministrinë e shëndetësisë në krye me Arben Vitinë.
Presidenti e paska lavdëruar punën e policisë e që deshi t’ia marrë kompetencat përmes gjendjes së jashtëzakonshme. Presidenti dhe PDK-ja janë të shqetësuar me punën e mirë të kryeministrit Kurti, nuk i dëshirojnë reformat që priten të bëhen në drejtësi, dhe kanë bërë që ata të frikësohen dhe me çdo kusht ta rrëzojnë Kurtin.
Në maj finalizohet ligji anti-mafia, e në qershor pakoja kundër korrupsionit. Andaj ky puq ishte shumë i pritshëm.
Gjithashtu, reformat dhe ndryshimet që priten të ndodhin në polici, AKI dhe institucionet tjera të sigurisë, e deri te ndërmarrjet publike siç është KEK-u janë shqetësuese për opozitën./InLajmi/
